Предыдущая публикация
🎈 Кăрлач уйăхĕн 2-мӗшӗнче Тури Чакă ялĕнче пурăнакан Ершова Зоя Михайловна 80 ҫула ҫитнине паллă турӗ.
🇷🇺 Патӑръел муниципалитет округ пуҫлӑхӗнчен Рудольф Селивановран саламлă ҫыру вĕҫсе ҫитрĕ ун патне. Ҫитерекенĕсем вара Аслă Чемен территри уйрăмĕн ĕҫченĕсем пулчĕҫ.
🔨 Зоя Михайловна шкул хыҫҫăнах колхоза бригадăна ĕҫлеме тухнӑ, унтан шкулта урай ҫунӑ, вулав ҫурчĕнче библиотекарь та пулнӑ, кайран сельсоветра «Военно-учетный стол» работникĕн ĕҫĕсене туса пынӑ. Ҫемьипе Липецк облаҫĕнче пурăннă хушăра совхозри фермăра тăрăшнӑ.
🌺 Зоя Михайловна ялта хăйĕн ал ăсталăхĕпе палăрса тăрать. Чăваш кĕпипе, саппунĕпе ҫĕлесе тата тĕрлесе миҫе ҫынна тивĕҫтермен-ши вăл? Унсăр пуҫне тутăр, минтер пичĕ, чаршав, чурече карри кама кăна тĕрлесе паман-ши? Ҫынсем ыйтнăран ҫыхнă япаласем те чылай хатĕрленĕ. Паянхи сивĕ хĕллехи кун та унăн килĕнче пур ҫĕрте те илемлĕ чечексем ешереҫҫĕ.
👪 Мăшăрĕпе Леонид Петровичпа хăйсен икĕ ывăлĕпе икĕ хĕрне те ачаранах тăрăшса вĕренме, ĕҫлеме хăнăхтарнă. Паянхи кун пултаруллă ачисем, 13 мăнукĕ тата 3 кĕҫĕн мăнукĕ тĕп киле пуҫтарăнса, илемлĕ сĕтел хатĕрлесе, парнесем парса, тĕлĕнмелле уяв туса пачĕҫ.
🙏 Зоя Михайловна, сумлă юбилей ячĕпе чун-чĕререн саламлатпăр сире! Чи кирли ҫирĕп сывлăх тата ҫемье ăшши сунатпăр! Ачасен, манкусен телейĕпе савăнса нумай-нумай ҫул пурăнмалла пултăр!
Следующая публикация
Комментарии 3