Предыдущая публикация
🎈 Тури Чакă культура çурчĕнче пĕрремĕш мероприятисем иртрĕç.
👫 Раштав уйăхĕн 30-мĕшĕнче ачасем валли утренник пулчĕ. Шăпăрлансем алла-аллăн тытăнса ташларĕç, юрăсем юрларĕç, Хел Мучипе Юр Пикене савăсем каласа пачĕç.
🎄 Раштавăн 31-мĕшĕнче аслăраххисем Ҫĕнĕ Ҫул тĕлпулăвĕ ирттерчĕç. Ҫак каç муниципаллă округра иртекен «Елка желаний» акцие малалла тăсса хамăр ялти хальхи вăхăтра ятарлă çар операцири салтаксен ачисен ĕмĕчĕсене пурнăçларĕç. ИП Валеев М. Семенова Софьяна «умная колонка», КФХ Салихов К. Семенов Андрея «шведская стенка» парнелерĕç. Патăръел муниципаллă округ пуçлăхе Рудольф Селиванов Капитонова Лидия валли шап-шурă ȅлка парса янă. Ᾰна шкул директоре Наталия Адидатова илсе çитерчĕ, Лидияна спортра тата вĕренÿре пысăк ÿсĕмсем тума сунчĕ.
🇷🇺 Аслă Чемен территори уйрăмĕн ертÿçи ĕçне вăхăтлăх туса пыракан Екатерина Фролова çĕнĕ культура çуртне тунă çĕрте тăрăшнă ĕçченсене палăртрĕ, вĕсене тав сăмахĕ каларĕ.
☝ Тăван яла вăрçă хирĕнчен кĕске вăхăтлăха килнĕ Валерий Башмаков сăмах илсе пурне те уяв ячĕпе саламларĕ, Ҫĕнтерÿ пирĕн пулассине шантарчĕ.
🎁 Уяв каçĕнчи вăйăсене юмахри сăнарсем ертсе пычĕç. Сăвă калама та, ыйтусен тупсăмне тупма та манман иккен аслисем. Юлашкинчен хăнасем лотерея выляса тĕрлĕрен парнесем çĕнсе илчĕç.
💢 Ҫĕнĕрен тунă культура çуртне курма ял çыннисемпе хăнасем ытти çулсенхинчен ытларах пухăнчĕç пулмалла. Тата та тăрăшуллă пулма, пысăк çитĕнÿсем тума сунчĕç çакăнта ĕçлекенсене.
Следующая публикация
Нет комментариев