Предыдущая публикация
***
ვეღარ ვიყუჩებ გულის ტკივილებს,
ნუთუ ოდესმე დამიამდება?
მაგრამ ცოტა მაქვს დრო საამისოდ,
მოცდაშიც ბევრი დაგვიანდება?!
ყოველი წამი მიმეჩქარება,
თვალსაწიერზე სუსტი შუქია,
შემომაშველე ხელი ბოლომდე,
ცხოვრება, ახლა, ისე მუქია?!
წარსულში დარჩა ავიც და კარგიც,
ყველაფერს ბინდის ფერი ედება
და ხვალისათვის, ასე ნანატრი,
სიცოცხლეც აღარ მეიმედება... :(
Следующая публикация
Нет комментариев