Предыдущая публикация
Қандай таъриф берайин сизга,
Само кўрки ҳилолим дейми?
Боғланганман нигоҳингизга,
Сиз орзуйим, ҳаёлим дейми?
Дил тўрига қуриб тилло таҳт,
Даврон суринг бегойим дейми?
Тўлқинласа жўшиб шижоат,
Сиз сеҳрли дўнёим дейми?
Сочингизни эркалаб силаб,
Ипак каби мулойим дейми?
Узоқ умр, насиба тилаб
Баҳт, қўшиб бер ҳудойим дейми?
Суратингиз ёлғиз овунчим,
Унга боқиб гулойим дейми?
Исканжага олса соғинчим,
Тутмасмикин уволим дейми?
Байтлар битиб кеча-ю, кундуз
Сизсиз забун аҳволим дейми?
Эй қаро кўз, қошлари қундуз,
Пойингизда Сурхоним дейми???
Ориф Сурхон.
20.12.2020.
Следующая публикация
Нет комментариев