«ҖАВАП БИРЕЛӘЧӘК ДОГА»

Аллаhның илчесе ﷺ болай дигән:
«Кем төнлә йокысыннан уяна һәм: «Аллаһтан башка гыйбадәт кылырга лаеклы иләһ юк, Ул — ялгыз, Аның һич тиңдәше юк! Аңа гына барча патшалык үә Аңа гына барча мактау һәм Ул бар нәрсәдән дә кадир! Аллаһка мактау, үә Аллаһ бар кимчелектән дә пакь, үә Аллаһтан башка гыйбадәт кылырга лаеклы иләһ юк үә Аллаһ Бөек! Аллаһтан башка бернинди көч тә, куәт тә юк», — ди һәм соңыннан: «Йә, Аллаһ! Гөнаһларымны гафу ит!» — дип әйтә яки теләсә нинди дога белән Аллаһка дәшсә — аның догасына жавап бирелер, әгәр тәһарәт алып намаз укыса — намазы кабул булыр». (Әл-Бохари, 1154).
لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَلَا إِلَهَ إِلَّا اللَّهُ وَاللَّهُ أَكْبَرُ وَلَا حَوْلَ وَلَا قُوَّةَ إِلَّا بِاللَّهِ اللَّهُمَّ اغْفِرْ لِي
/Ләә иләһә иллә Аллаһу вәхдәhү ләә шәриикә ләhү, ләhүл мульку үә ләhүл хәмдү үә hүә галәә күлли шәй ин кадиир. Әлхәмдүлилләһ үә Сүбхәәнәллаh үә ләә иләһә иллә-Ллаһ үә Аллаһу әкбәр үә ләә хәүлә үә куүүәтә иллә билләh. Аллаһуммә—гфир ли/