Предыдущая публикация
МОЛИТВЫ ОБ УСОПШИХ 🕊
Пожалуйста, в комментариях можно писать имена ваших усопших близких в православном крещении для поминовения. МОЛИМСЯ ВМЕСТЕ!
🌿 Во время Великого поста в будние дни не совершается полная Литургия, не приносится бескровная Жертва, в том числе за усопших. И суббота – это первый день недели, когда вновь совершается полная Литургия, потому и творятся особые молитвы за умерших.
Епископ Боярский Феодосий (Снигирев)
🌿 Молитва о новопреставленном до 40 дней:
Помяни Господи Боже наш в вере и надеждой живота вечнаго новопреставленного раба Твоего (имя) и яко Благ и Человеколюбец, отпущаяй грехи и потребляя неправды, ослаби, остави и Прости вся вольная его согрешения и невольныя, возставляя его во святое второе пришествие Твое в причастие вечных Твоих Благ, ихже ради в Тя Единого верова, истинного Бога и Человеколюбца. Яко Ты еси воскресение и живот и покой рабу Твоему (имя) Христе Боже наш. И Тебе Славу возсылаем со безначальным Твоим Отцем и с Пресвятым Духом, ныне и присно, и во веки веков. Аминь.
🌿 Молитва по исходе души из тела (читается сразу по упокоении):
Боже Духов и всякия плоти! Ты твориши ангелы Своя духи, и слуги Своя пламень огненный. Пред Тобою трепещут Херувимы и Серафимы и тьмы тем и тысяща тысящ со страхом и трепетом выну предстоят Престолу Твоему. Ты за хотящих улучити спасение посылаеши на служение святых Твоих Ангелов; Ты и нам грешным коемуждо даеши святаго Ангела Твоего, яко пестуна, еже хранили ны во всех путех наших от всякаго зла и таинственно наставляти и вразумляти ны даже до последняго издыхания нашего. Господи! Ты повеле еси изъяти душу от приснопоминаемаго нами раба Твоего (имярек), воля Твоя - воля святая; молим Тя, Жизнодавче Господи, не отними точию ныне от души его сего пестуна и хранителя ея, не остави ю едину, яко в путь шествующую; повели ему, яко хранителю, не удалятися помощию в сем страшном прохождении ея в мир горний невидимый; молим Тя, да будет убо ей заступником и защитником от злаго сопротивника в прохождении мытарств, дондеже преведет ю к Тебе, яко к Судии неба и земли. О, страшно прохождение сие для души, грядущей на суд Твой нелицеприятный, и имущей в прохождении сем истязатися духами злобы поднебесными! Темже убо молим Тя, Преблагий Господи, благоволи и еще послали святых Твоих Ангелов душе преставльшагося к Тебе раба Твоего (...), да защитят, оградят и сохранят ю от нападения и истязания страшных и злых оных духов, яко истязателей и мытарей воздушных, служителей князя тьмы; молим Тя, свободи ю сего злаго обстояния, да не срящет ю злых демонов полчище; сподоби ю безбоязненно, благотишно и невозбранно преяти от земли страшный сей путь со Ангелы Твоими, да вознесут ю поклонитися Престолу Твоему и да приведут ю к свету Твоего милосердия.
🌿 Молитва ко Пресвятой Богородице за новопреставленного до 3 дня, в 9й и 40й:
Пресвятая Владычице Богородице! К Тебе прибегаем, Заступнице нашей: Ты бо скорая еси помощница, наша ходатаица у Бога неусыпающая! Наипаче же молим Тя в час сей: помози новопреставленному рабу Твоему (имярек) прейти страшный и неведомый оный путь; молим Тя, Владычице мира, силою Твоею отжени от движимой страхом души его страшныя силы темных духов, да смятутся и посрамятся пред Тобою; свободи ю от истязания воздушных мытарей, разори советы их и низложи их, яко зломыслящих врагов. Буди ей, о Всемилостивая Госпоже Богородице, заступницею и защитницею от воздушного князя тьмы, мучителя и страшных путей стоятеля; молим Тя, Пресвятая Богородице, ризою Твоею честною защити ю, да тако безбоязненно и невозбранно прейдет от земли на небо. Молим Тя, Заступнице наша, заступи за раба Твоего (имя) Матерним Твоим у Господа дерзновением; молим Тя, Помоще наша, помози ему, имущему судитися еще прежде онаго Страшнаго судилища, помози убо оправдатися пред Богом, яко Творцем неба и земли, и умоли Единороднаго Сына Твоего, Господа Бога и Спаса нашего Иисуса Христа, да упокоит усопшаго в недрах Авраама с праведными и всеми святыми. Аминь.
🌿 Молитва Ангелу хранителю за новопреставленного до 3 дня, в 9й и 40й:
Святый Ангеле хранителю, данный усопшему рабу Божию (имярек)! Не преставай охраняти душу его от злых страшных оных бесов; буди ей пестуном и утешителем и тамо, в оном невидимом мире духов; приими ю под криле своя и преведи ю невозбранно чрез врата воздушных истязателей; предстани ходатаем и молитвенником за ню у Бога, - моли Его Преблагаго, да не низведена будет в место мрака, но да вчинит ю, идеже пребывает Свет невечерний.
🌿 Молитва о любом усопшем:
Помяни, Господи Боже наш, в вере и надежди живота вечнаго души преставльшихся рабов Твоих: (имена) яко Благ и Человеколюбец, отпущаяй грехи и потребляяй неправды, ослаби, остави и прости вся вольные их согрешения и невольные, избави их вечныя муки и огня геенскаго, и даруй им причастие и наслаждение вечных Твоих благих, уготованным любящим Тя: аще бо и согреши, но не отступи от Тебе и несумненно во Отца, и Сына, и Святаго Духа Бога Тя в Троице славимаго, верова и Единицу в Троицу и Троицу во Единстве православно даже до последнего Своего издыхания исповеда. Тем же милостив сим буди, и веру яже в Тя вместо дел вмени, и со Святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякого греха и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, и ныне и присно и во веки веков. Аминь.
* О самоубийцах молятся только близкие родственники келейно (на домашней молитве)
Следующая публикация
Нет комментариев