Предыдущая публикация
Uzoq yurib safarda,
Xorib uyga qaytgandim.
Sevgilimga kun botsa,
Borishimni aytgandim.
Kelishimni sezganday,
Derazasin ochibdi.
Asta kirib qarasam,
Bir qizgina yotibdi.
Xayajondan qaltirab,
O’pib quydim labidan.
Ko’p o’tmasdan shapaloq,
Tegdi quloq tagidan.
Keyin bilsam adashib,
Ko’zlarim ham berib pand.
Qizi qolib men nodon,
Onasini o’pibman.
Shapaloqni unutdim,
Xolim bilmas hech kishi.
Yomon tegdi ortidan,
Otasing tepkisi.
Keyin nima bo’ldi deng,
Boshga tushgan o’y bo’ldi.
Ko’p o’tmasdan oradan,
Hovlimizda to’y bo’ldi.
Qaynonasin labidan,
O’pgan kuyov men bo’ldim.
Tepki yesam ham xullas,
Qaynotamga teng bo’ldim.
Nur yog’ldi boshidan,
Bizdayin bir faqirni.
To’y tugadi qaynotam,
Asta imlab chaqirdi.
Dedi kuyov vada ber,
Er so’zidan qaytmagin.
Xotinimni o’pganing,
Hech kimsaga aytmagin.
Следующая публикация
Нет комментариев