Предыдущая публикация
85.
Ажыдаардын каргышы.
Жарым саат өтпөй Джед менен Касс, ссумсайган Лэйнди өзүнө бекем кысып кучактап, узатып калган Грассинин көз карашын таштап, сарайдан жөнөп кетишти. Башчы, мергенчинин артынан карап турган, сепкил баскан кызга шектүү карап койду. Таң калыштуусу ал мергенчи баланы ишенип тапшырган, жана аны менен бирге сарайдан сыртка чыгып келүүсүнө коркпой уруксат берген жалгыз кызматчы кыз эле. Башчы, баарын байкап жүрчү, жуулган кийими же болбосо тигилген, ал эле эмес кандай иш болсо да мергенчи ыраазычылык билдирген кезде, Грассинин көздөрү жайнап, жүзү албуурттанып чыкчу. Мергенчи кызга эч кандай ашыкча көңүл бөлбөй, болгону балакай менен бирге болуусуна уруксат бергени кана болбосо, бирок Касс бул көз ирмемдерди көп узабашына көзү жетип турду. Экөө бири-бирине аябагандай эле төп келип турчу: чачтарынын түстөрү, жүрөгүнүн кеңдиги, жетим балага болгон мээрими. Кимдин сыйкыры мынчалык жайылып кеткен, деги эле бүтүн сарайдын баарына? Жада калса Касстын өзүнө да таасирин тийгизип жаткандай. Балким баланын өзгөчө бир таланты бар, айланасындагы баардык адамдарга, чын жүрөгүнөн, анан дагы мунун баарын эч кандай кара ниетсиз, акысыз жасап жаткандай. << таптаза жүрөк >> Кассэль дайыма уништип ойлоп коёр эле, баланын жайнап турган жарык аурасын көргөн кезде. Эмнегедир анын ишеничине, достугуна ээ болгусу келчү. Балким бала, Касс баалаган башка бир: ишенимдүү, берилген сапаттарга ээ болгондугу үчүн. Айтмагым, бала өзү сүйгөн адамдарга, өзүндө бардын, ал эле эмес алар үчүн өзүн да курбан кылууга даяр экендиги. Касс менен Джедтин Оливиянын кабарын билүү үчүн, эң биринчи эле кайрылганы Хамрод болду. Мурда мергенчи болгон неме, азыр Грэмдоллага жакынкы аймакта, чакан үйдө турат экен. Мергенчинин жайлуу жери өтө ыңгайлуу, жана жол боюнда, шашып бараткан жолоочулар, милдеттүү түрдө ал жерге кирип же түштөнүп, же болбосо эс алып анан андан ары жолун улоо үчүн түнөп калар эле.
Кирип барганда эле, Хамродтун Джедти көргөндө кубангандан кыйкырып жибергени экөөнү тең айраң-таң калтырды.
_ Мен билгем, сенин жакынкы күндөрдө келериңди достум!
_ Сен, байкайм, кайыптан кабар берүүчү болуп кеткенсиңби дейм? __ досунун колун бекем кысып, шылдыңдагансып күлүп койду мергенчи. _ Мындай ойлор кайдан келди?
_ Ой, мында көп ойлонуунун деле кажети жок го дечи. __ жылмайып койду Хамрод. _ Сага кат таштап кеткен.
_ Кат? __ Джед менен Касс бири-бирине шашыла тиктеше түштү.
_ Мына, бул - карма. __ мергенчи Джедке өтө чоң эмес кагазга оролгон алтын төрт жалбырактуу Беде менен бирге качып кеткенде алып кеткен кубулма баалуу ташты сунуду.
_ Бул Лиден экен. __ кубана, көздөрүн жайната Касска карады Джед. _ Тирүү.
_ Ким берди? __ Хамродко карап, тынчсызданана сурады Кассэль.
_ Ой ким билсин аны. __ ийинин куушурду Хамрод. _ Бир мырза. Анан сени Лоргорн чек арасына барып Иримэ атту бийкечти тапсын деди. Анан ал сага андан ары эмне кылуу керек экенин түшүндүрөт өңдөнөт.
_ Лоргон__ ойлонуп туруп калды Касс. Кичинекей шаарча, Алахонттон өтө алыс эмес, чет жакта, дээрлик бардык жери гном тоолору менен тосулган. Оливиянын жаңы иизине түшкөн кезде Касс ал жакка караган эмес, ал жакта Айвендрилге жол жок болсо керек деген ойдо. Бирок, бекер болгон экен.
_ Лоргонго кеттик. __ Джед көңүлдөнө Касстын далысын таптап калды.
_ Кеттик. __ башын ийкеди Шумкар мергенчинин эч нерседен шекшинген жок деген үмүттө. Тагырагы, Лоргонго Кассэль өзү жалгыз барганы жатканын. Эгерде, ал жерде жашаган Иримэ чын эле Оливиянын кайда экендигин билген болсо, анда дароо эле ошол жерден жолго чыкмак. А эгер Оливия менен жолугушууга Касс анын досу Джед менен бирге барса, анда Оливия кызыл чач аны сатып кетти деп ойлоп калары анык. Кассэль кызыл чачты ыңгайсыз абалда калтыргысы келген жок чынында. Ал, Джедтин жардамына ишенип, үмүт этип жаткан, анан калса досторунун сарайда экенин билсе, Ливти сарайга алып келүү алда канча жеңил болмок. Хутордон араң эле чыгып, чыгышка тарапка, Алахонтко карай жолго түшө бергенде, Касс шыр эте мергенчини желкесинен кыса кармап, жапжашыл болуп жанган көздөрү менен тигиле тиктеп :
_ Сен азыр менин атымды аласың да, Шумкар Тырмагына жөнөйсүң __ бир калыпта, акыл-эсине буйрук кылгандай сүйлөдү башчы. _ Сен мени түшүндүңбү?
_ Джед буйрукка моюн сунгандай башын ийкеп, Мрактын чылбырын колуна алды.
_ Бизди, Оливия экөөбүздү сарайда күтөсүң! __ бул жолу башчынын буйгунунан баш тарта албай тургандай кылып буйрук берди. Анын мээсине сиңип калган ой, Касс кайра кайтып келгенче мээсинен кетпей турган болот.
Следующая публикация
Комментарии 7