Предыдущая публикация
83.
Ажыдаардын каргышы
_ А сенин, жаңы колуктуң тууралу эмне айтты? __ Касстын өзүн өзү жемелеп жатканына кол шилтеп койду Магрид.
_ Сен билдиң беле? __ Магридке карап, соолуга түштү Касс. _ Эреб соруп кеткир, Магрид, сен билген белең?! __ ачууланып шыбырады ал. _ Качандан бери?
_ Ошондо эле, сен өлтүрбөй койгондордун мээсине киргенде эле. __ чымырканып да койгон жок падыша. __ Алар буйрукту так аткарып турушкан. Бирок эмне себептен өлтүргөнүн өчүрүп койгон. Булардын артында күчтүү менталист (менталист - бул адамдын оюн окуп, аң-сезимине терең таасирин тийгизип, башкара турган адам) турат. Өтө күчтүү.
_ Сен, кимдир бирөөнү шектенип жатасыңбы? __ Касс жырткыччасынан көздөрүн үлүрөйтүп карады ханга.
_ Эч кимди, анан баарын. __ тымызын жылмайып койду падыша. _ Албетте, сен экөөбүздөн башкасын.
Касс башын ылдый салып, бираз турду да, Магридти күнөөлү кишидей карап, акырын шыбырады :
_ Менин аялым тууралу сен баарын билбейсиң Магрид. Сага айтпаганым үчүн кечир.
_ Эмнени мага айтпадың? __ башкаруучунун үнүнү темирдей курч басымдуу болчу.
_ Менин жубайым, ал, Райверендин биринчи болочок колуктуусу.
_ Сен аны каза болду дебедиң беле?
_ Мен, ошентип ойлогом... __ оор үшкүрүп алды Касс. _ Бирок, мен жаңылышкан экенмин. Ал тирүү, жана менин эль корром.
_ Энеңди сенин... __ селт этип ордунан тура калды Магрид, кайрадан алсыз гана орундукка олтуруп калып. _ Сен аны кантип таптың?
_ Ал өзү тапты мени.
_ Эмнеге?__ Магрид нес болуп туруп калды. Айлана тунжурап, аба таарып кетти.
_ Мени өлтүрмөкчү болуптур. __ көңүлсүз жооп берди Касс.
_ Аа, ошон үчүн да сен аны мага көрсөткөн эмес турбайсыңбы! __ падыша ордунан ыргып туруп, бөлмө ичинде кадамдарын оор таштап, ары-бери басып: _ Демек, сен "биз урушуп калып, анан ал качып кетти" деп мени алдаган турбайсыңбы. Ал сени көргүсү да келбейт.
_ Андан да жаман. Ал мени жек көрөт.
Магрид өзүнүн сүйүктүүсүнө тынчсыздана карап оор дем алып алды.
_ Демек, сенин бир жылдан азыраак эле өмүрүң калдыбы?
Касс көздөрүн башкаруучудан тартып алып, жооп да берген жок. Анан калса боло турган нерсени кайталоонун кажети да жок болчу.
_ Бул дагы баары эмес. __ бетин бырыштырып Касс. _ Оливияны дагы өлтүрмөк болушту. Хелликииден чыгарыбыз менен.
_ Ким?! __ кыйкырып жиберди Магрид.
_ Зургарлар.
Падыша ээгин катуу сүртүп, анан каштарын шектүү керип :
_ Артыңдан кимдир бирөө акмалап жүрөбү? Болбосо, сенин үйлөнгөнүңдү кайдан билди дейсиң.
_ Мен да ошону ойлонуп жатам. __ ойлоно түштү Кассэль. _ Менимче, ал менин чиркөөгө келишимди акмалап жүрсө керек.
_ Айвендрилге жөнө. Мен Ноэриндин Владыкасына дагы бир кат жазып берем. Кызды тезинен табып, Азаандрга алып келүү керек. __ Магрид үстөлгө олтуруп калемин колуна алды.
_ Айвендрилге баргандан эч пайда жок. Мен анын аурасын издегени таштап келдим, эми тек гана күтүү керек. Эльфтердин убадасы ыйык. Эльваны билесиң го, ал убадасын бузууга жол бербейт. Анан калса, мен эми каалаган учурда ал тарапка өтө алам.
_ Жакшы... __ тынчсызданып, ийилчек манжалары менен үстөлдү койгулап калды Магрид. _ Андай болсо чек арага бар да, Варгардка менин катымды бер.
_ Айтмакчы, __ эстей койду дель Орэн. _ Дюрант кайда? Ал эмне, Грэммодрдан алигиче келе элекпи? Мен аны көптөн бери көрө элекмин.
Магридтин жүзү бираз билинер-билинбес кара тарта түштү да, кайра эле падыша өзүн токтоо, бейкапар кармап калды.
_ Орктордун көйгөйү мен ойлогондон да көбүрөөк болуп чыкты. __ башкаруучу сөздү айландырып, _ Вайс кайрадан Грэммодрга барууга туура келди.
_ Сен эмнени тумандатып жатасың? __ шектүү тиктеди Касс.
_ Эпидемиянын алдын алып жатат. __ кыжыры келип кетти Магрид. _ Сен азыр аны ойлошуң керек эмес. Нэске кабарды бер да, андан ары жубайыңдын артына түш.
Хан Касстын колуна оролгон, мөөр басылган кагазды сунду да, колун шилтеп, шашылып кабыл алуу, баарлашуу бүттү дегендей ишарат көрсөттү. Касс, Магридти баарынан жакшы түшүнгөн, ал канчалык жаап жашырса да, анын кандай болбосун күчтүү тосмолорунан да, монархтын кандайдыр бир олутту көйгөйдү жаап жашырып жатканын туюп турду. Бир нерсе болуп жатат, бирок Магрид аны өзүнүн маршалынан жашырып жаткандай, балким, ал анын үстүнө дагы түйшүк артууну каалабай жаткандыр, же болбосо, Оливиянын жоголгону ага караганда олуттуу көйгөй болгон чыгар.
Следующая публикация
Комментарии 5