Ёмғир ёғиб пойафзалинг илган лойни,

Оқил бўлсанг олиб кирма остонангдан,
Ғайбатлардан маҳзун бўлган хаёлингни,
Йироқ тутгин кўнгил номли кошонангдан.
Дунё кўлмак, ким қурбақа, ким сувилон,
Ким капалак, кимдир заҳар нишли чаён,
Шукур сенга насиб этган гуллар сафи,
Шу тақдирга сано айтиб, ҳар кун қувон.
Туйғуларинг япроқ ёзиб соат сайин,
Амалларинг таратсинлар ифор майин,
Мағор босган миш-мишларга парво қилма,
Ким не қилса бу дунёда қайтар тайин.
Пичоқ урган қучоқ очган дўстинг бўлса,
Йиқилганда ишоганинг зимдан кулса,
Ҳукм фақат азалдандир сендан дуо,
Ёзилгани бўлар бошга неки келса.
Табассум қил, кўнгил уйин обод этиб,
Борлигингни бахт билганга боринг тутиб,
Тош отганга гул узатгин сўзинг билан,
Кутганларинг кутмаганда келар етиб.
Шундай бахтли яшагинки ҳайронликлар,
Кўролмасни қовирсинлар ўз ёғига,
Эй, Нилуфар бу дунёнинг ташвишлари,
Арзимайди қалбнинг зарра қийноғига.
НИЛУФАР ТОҲИРОВА
23.06.2021й
https://t.me/NilufarTohirijodi