Предыдущая публикация
@SanSiz@
Йўлимда ғунчалар очилгунича,
Қалбимда бахт нури сочилгунича.
Ташвиш-у, аламлар ечилгунича,
Отам билан онам қаримай турсин.
Ишларим ўнгланиб кетгунга қадар,
Бўйларим самога етгунга қадар.
Меҳнатим омадни тутгунга қадар,
Отам билан онам қаримай турсин.
Шунча дард, қайғуни кўргани етар,
Кўнглида армонни ўргани етар.
Қувончли кунларим келганда шу дам
Отам билан онам қаримай турсин
Эй, Ҳудо сўрайман сендан қўл очиб,
Тунлари дуога нурли йўл очиб
Пойига минг зар-у, дурларни сочиб,
Отам билан онам қаримай турсин.
Орзулар рўёбин топгунимча мен
Қаро тунни этакда ёпгунимча мен.
Шиддатли от каби чопгунимча мен
Отам билан онам қаримай турсин.
Умрлар ўтмоқда ажинлар солиб
Қўймагин қувват-у, кучларин олиб
Ҳудойим сўрайман сендан ёлвориб
Отам билан онам қаримай турсин
Болам деб бир он билмаган тиним
Ҳар лахза қувончда ўтказиб куним
Аллоҳга мени бир яхши ўтинчим
Отам билан онам қаримай турсин.
Меҳнатлари рўёб бўлмоқда бугун,
Йўлларим омадга тўлмоқда бугун
Дуоси сабаб бахт кулмоқда бугун,
Отам билан онам қаримай турсин
Следующая публикация
Нет комментариев