Предыдущая публикация
* * *
Йигитнинг юзини ёруғ эт, Аллоҳ,
Ёри ўпич илсин яноқларига.
Қурол тутишидан асрагин, э, воҳ,
Ёр сочи ўралсин бармоқларига.
Йигитнинг қаддини букмагин, Аллоҳ.
Ғурури бошидан баландда юрсин.
Эркакнинг юзига тик қараш гуноҳ,
Ҳалоли Ҳаводек таъзимда турсин!
Ерларда қолмасин йигитнинг сўзи,
Сазаси ўлмасин, эгилмасин бош.
Атодан бошланган ҳаётнинг ўзи,
Эркак сиймосида эмасми Қуёш!
Йигитнинг омадин бер, беравергин,
Мардларни мақташдан бенасиб этма.
Дунёда биронта эркак зотини,
Аросат йўлида қолдириб кетма.
Биз она бўлайлик, опа, сингил, ёр.
Асло тўкилмасин тиргакларимиз.
Уларсиз дунёда бизга нима бор?
Омон бўлсалар бас эркакларимиз!
Следующая публикация
Нет комментариев