Ayrılıq od olub düşdü canıma,

Yerimi başqası mütləq tutacaq.
Qəmginlik dost olub gəldi yanıma,
Xoşbəxtlik qapımı bir yad açacaq!
*****
Tək qalıb özümlə qaranlıqda mən,
Zamanla kədəri unudacağam.
Kövrək gözlərimi görməsin deyə,
Yaşları gözümdə qurudacağam!
*****
Günlər gələcəkdir, günlərdən gözəl,
O gözəl günləri bəlkə görmədim.
İllər dəyişəcək, illərdən gözəl,
Ayrılıb həyatdan bəlkə görmədim!?...