Предыдущая публикация
BEQAROR O'LMOQ NE TONG
Har kishikim topsa zavqe nash'ai paymonadin,
Bir nafas chiqmas ko'b oso go'shai mayxonadin.
Iztirobim tonglama bazmi visoling ichrakim,
Beqaror o'lmoq ne tong ko'rgach pari devonadin.
To yuzing may tobidin gul ochdi ko'nglim bulbuli,
Bir nafas forig' emastur nolai mastonadin.
Yo'q ajab jonim qushi boshingdin evrulsa mudom -
Kim, tong ermas sadqa bo'lmoq sh'amig'a parvonadin.
Ey ko'ngul, gar xurram o'lmoq istasang bo'l xoksor -
Kim, ko'karmak mumkin ermas yerga tushmay donadin.
Oqil ersang naqdi umring qilmog'il behuda sarf,
Kim bu ish ermas munosib hech bir farzonadin.
Keldi asbobi jahon avsofi g'aflat mujibi,
Ne uchunkim uyqu hosil afsonadin.
Sidqu ixlos kimda jam' o'lur hosil murod -
Kim, tug'or mundoq o'g'ul andoq atou onadin.
Shod komi maqsad o'lmoq, Ogahiy, qilma havas,
To chiqormay o'zni bu kulfatfizo g'amxonadin.
Следующая публикация
Нет комментариев