Предыдущая публикация
ҚАЙСИ ЭРКАК БАХТЛИ АЁЛСИЗ.
Ёзда мева берарми ўрик,
Қиш келмаса аччиқ аёзсиз.
Жуфти билан қуш кўкда тирик,
Қайси эркак бахтли аёлсиз .
Бироз инжиқ,бироз серзабон,
Аммо ҳаёт усиз ,маъносиз.
Аёлсиз уй ,сувсиз биёбон,
Қайси эркак бахтли аёлсиз .
Аёл бор уй муҳташам қўрғон,
Аёл бор уй фаровон сўзсиз.
Аёл бор уй фарроғ,нурафшон,
Қайси эркак бахтли аёлсиз.
Хато қилманг билмай қадрини,
Бир кун бармоқ тишлаб қоласиз.
Кўп синаманг,тошган сабрини,
Қайси эркак бахтли аёлсиз.
Етим боладай бир кун бўзлаб,
Сўнг пушаймон,демангки,эссиз,
Яшайверинг ,бахтини кўзлаб,
Қайси эркак бахтли аёлсиз.
Сиз бир подшоҳ,тахту-равон кам,
У бир содиқ қўлингиз,хақсиз.
Айтинг менга, эй одил хакам,
Қайси эркак бахтли аёлсиз.
Дедингизки,қирқта жони бор,
У ўлмайди,қолса ҳам жонсиз.
Уни нобуд этар номард ёр,
Қайси эркак бахтли аёлсиз.
Ака-ука,ўғлим минг узр,
Қарс чиқмайди хеч икки кафтсиз.
Бузилмасин ҳаловат,хузур,
ҚАЙСИ ЭРКАК БАХТЛИ АЁЛСИЗ.
Следующая публикация
Комментарии 1