Sən ki gec gəlmişdin nə tez gedirsən?

Tez də unudarsan sənə nə var ki?
Yenə taleyimin üzü gülmədi.
Yəqin öyrəşərəm yenə, nə var ki?
***
Səninlə bircə gün tən yaşasaydım,
Yəqin unutmazdım min yaşasaydım.
Sevgim yaşayardı mən yaşasaydım
Bu qısa ömürə-günə nə var ki?
***
Bir vaxt səhər idin gecəsən indi.
Nə olar yuxumdan keçəsən indi.
Bilmək istəyirəm necəsən indi ?!
Adama deyərlər mənə nə var ki...?
***