Предыдущая публикация
Ўғли ўғри, каззоб бўлса ҳам
Она кўнгли умидга тўлар:
Ҳали одам бўлади болам,
Ҳамма ҳавас қилгулик бўлар.
Тонг саҳарми ёки вақти шом
Чин юракдан қилар дуолар.
Балки шундан – бало бўлса ҳам
Боласига урмас балолар.
Она кутар, интизор кутар,
Вақт имиллар, совиб қолар чой.
Гўё ундан ҳол сўраб ўтар
Кўнгил каби яримлаган ой.
Она кутар, умиди ўлмас,
Кўзларига сингар ноласи.
Энди қайтиб келмайди, билмас,
Йўл йўқотган гўдак боласи.
Следующая публикация
Нет комментариев