Предыдущая публикация
Sen yig'lama, jonim yig'lama,
Barcha xato mendan o'tdi rost.
Yuragingni bekor tig'lama,
Faqat meni kechir iltimos.
Senga qarab yurakdan kuydim,
Bilmay diling og'ritib qo'ydim,
Afsus chekib charchadim
to'ydim,
Faqat meni kechir iltimos.
Meni kechir azizim jonim,
Qiynalyapti axir vijdonim,
Kerakkinam ey mehribonim,
Faqat meni kechir iltimos.
Yuragimdan qon oqar tinmay,
Pushaymonda azobga ko'nmay,
Qalbim ichra bir umid so'nmay,
Faqat meni kechir iltimos.
Toza qalbing ko'zga ilmasdan,
So'zlaringa parvo qilmasdan,
Xafa qilib qo'ydim bilmasdan,
Faqat meni kechir iltimos.
Sen ranjisang, yonar bu bag'r,
Ahad qanday yashaydi axir,
Nafrat bilan yashamoq og'ir,
Faqat meni kechir iltimos
Следующая публикация
Нет комментариев