1.

Кайфиятимни кўтариш учун ҳамда дам олиш учун чекаман.
2. Сигаретни қўлимга олишим билан ўзимни тутиб туролмайман.
3. Бирон нарсадан асабийлашсамгина тинчланиб олиш учун чекишга мажбурман.
4. Агар сигаретим тугаб қолса, яна сотиб олгунимча тинчимни топа олмайман.
5. Ўзим билмаган холда бир пайтнинг ўзида қайта-қайта чекишим мумкин.
6. Эркак киши чекиши шарт!
7. Чекишни ташлаш учун қилган ҳаракатларим бефойда кетди.
8. Кулдон тўлгунча чекишга одатланганман.
9. Тутуннинг шакл бериб чиқишига қизиқиб чекавераман.
10. Хаётимдаги барча кўнгилсизликларни унутиш учунгина чекаман.
11. Бир неча маротаба чекишни ташлашга уриниб кўрганман, аммо барибир бефойда.
12. Чекиш соғлигимга таъсир қиляпти.
13. Чекишга одатий хол деб қараш керак.
Натижалар:
5 та саволга “ҳа” деб жавоб берган бўлсангиз: — сизнинг холатингизни психологик нуқтаи назардан “сигарет билан ўйин”, яъни шунчаки ўйин сифатида чекишни бошлайдиганлар тоифасидан деб белгилаш мумкин. Сиз учун сигаретларнинг турлари, чиройли кулдонлар “зажигалкалар”нинг антиқа турларини йиғишга қизиқиш устунлик қилади. Бу тоифадагилар одатда кам чекишади. Кунига 2-3 дона сигарета чекишлари мумкин, холос. Ёнидаги киши шериклик учун таклиф қилиб қолса, йўқ дея олмайди. Чекишдан қутулиш ўз қўлингизда. Сиз ҳали кашандага айланиб улгурмагансиз. Бир ҳафтада чекишни ташлай оласиз. Унда ҳаракатни бошланг.
7 та саволга “ҳа” деб жавоб берган бўлсангиз: - бу тоифадаги кишилар ишлари юришмаётган вақтида кўпроқ чекиб қўйишади. Лекин чекиш фикрни жамлаб ишлаш учун ёрдам бермаслиги исботланган. Аммо одам психологияси аксинча йўл тутиши мумкинлиги табиий ҳолатдир. Чекишни ташлаш иродангизга боғлиқ. Ташладим деган кунингиз ҳам бирон нарсадан сиқилиб чекиб қўйишингиз мумкин. Ташлагунча бир ой қийналишингиз аниқ.
8 та ва ундан ортиқ саволларга жавоб берган бўлсангиз: - чекиш сизга рефлекс бўлиб қолган. Бир кунда ўзингиз сезмаган ҳолда 35 донагача сигарет чекишингиз мумкин. Чекишни ташлашингиз жуда қийин бўлади. Аммо тушкунликка тушмай ҳаракат қилинг. Ўзингизга ишонинг. Инсон чекмасдан ҳам яшаши мумкин. Сигарет чекиш вақтида сақич чайнаб, ўзингизни чалғитинг. Бутунлай ташлай олмасангиз ҳам, миқдорини камайтиришингиз мумкин.
#новости