ЧЕКИШНИ ТАШЛАШГА ҚАРОР ҚИЛГАНЛАР УЧУН 8 ТА МУҲИМ МАСЛАҲАТ!

Зарарли одатидан воз кечишга қарор қилган ҳар бир одам аввалига ўзида ноқулайлик, безовталикни ҳис қилади. Масалан, жаҳлга берилиш, кайфиятнинг тушиши, кучли ҳаяжон, уйқунинг бузилиши. Лекин мутахассисларнинг таҳлилига кўра, уч ҳафтадан сўнг юқоридаги каби безовталиклардан асар ҳам қолмайди. Қуйида чекишни ташлашга қарор қилганларга жуда муҳим бўлган 10 маслаҳатни бермоқчимиз:
1. Аччиқ чой, кофе ва спиртли ичимликдан ўзингизни тийинг.
Никотин – жуда кучли қўзғатувчидир. Чекишни ташлагач, организмингиз сигаретанинг ўрнини босиш учун қўшимча стимулятор: кофе, аччиқ чой ва спиртли ичимлик талаб қилади. Спирли ичимликлар ичиш, чекишга ўрганиб қолган одам учун жуда хавфли. Кўпчилик чекувчиларнинг таъкидлашича, маст ҳолатда бошқарув йўқолиб, одатдагидан кўпроқ чекишар экан. Табиийки, бу ҳолатда сигаретадан тийилиш анча мушкул бўлади.
2. Очофат бўлманг!
Айрим одамлар чекишни ташлагач, яхшигина вазн тўплашади. Шу ўринда «Бунга нима сабаб?» деган ҳақли савол туғилади. Мутахассисларнинг фикрича, одам бир тобеликдан иккинчисига ўтишга мослашган. Фрейд таълимотига кўра, яъни психологик нуқтаи назардан чекиш ва спиртли ичимлик истеъмол қилиш бу – нафсни қондирадиган эҳтиёж. Овқатга келадиган бўлсак, юқоридаги иккита маҳсулотга бўлган тобеликни чекишни ташлаганлар таомга алмаштиришади. Шифокорлар гомеопатик воситалар ёки ширин бўлмаган конфетлар ва ялпизли, шакарсиз сақичлардан фойдаланишни маслаҳат беради. Айрим чекишни ташлаганлар эса писта, печенье, ширин конфетлар, жуда катта каллорияга эга бўлган ёнғоққа муккасидан кетади. Бундайлар чекишни ташлаганидан эмас, балки сигаретни овқатга алиштирганлари учун семиришади. Қўшимча вазн тўпламаслик учун эса рационингизда картошка фри, сарёғ ва торт каби юқори калорияли, ёғли, ширин ҳамда ҳамирли маҳсулотлар бўлмаслиги керак. Шунингдек, чекишни ташлаганингизнинг илк кунларида дудланган, аччиқ ва ширин маҳсулотлардан тийилинг. Борди-ю, юқорида таъқиқланган маҳсулотлардан жуда ҳам егингиз келса, назоратни йўқотмаган ҳолда жуда оз миқдорда: битта тузланган бодринг, бир бўлак колбаса билан қаноатланинг. Чунки юқорида санаб ўтилган маҳсулотлар ҳам стимулятор. Организм эса илк кунлар қўзғатувчилардан ҳоли бўлиши лозим. Суюқликни эса бемалол ичишингиз мумкин. Масалан, минералка, шарбат, наъматак дамламаси ва ўтли чойлар ичинг.
3. Организмингизни витаминлар билан бойитинг!
Поливитамин препаратлар — А, Е, С, В1 ва В6 витаминлари организмдаги тамаки токсинларини тозалашга ёрдам беради. Чекишни ташлаганингиздан сўнг юқоридаги препаратларни энг камида бир ой истеъмол қилинг.