Предыдущая публикация
Ба ту дил медиҳам, эй гул, чаро онро намегирӣ?
Дили пурмеҳру пурганҷу пурэҳсонро намегирӣ?
Барои ман дили ғампарварам авлотар аз ҷон аст,
Чаро ин ҳадяи волотар аз ҷонро намегирӣ?
Дил аз ғам пора гашта аз алам доғи сияҳ дорад,
Чаро ту ин дили чун лола хандонро намегирӣ?
Ҳама меҳри дили ман бар дили решат давобахш аст,
Чаро аз дасти ман ин гуна дармонро намегирӣ?
Шабу рӯз аз ғамат дил дар танӯри сина месӯзад,
Чаро ту ин дили сӯзону бирёнро намегирӣ?
Дилам афтода бар даргоҳи ту гирёну нолон аст,
Чаро дасти дили реши Талабшоро намегирӣ
Следующая публикация
Нет комментариев