РОД.

Род (жинс).
Рус тилида отларнииг ҳаммаси мужской, женский ва средний родга бўлиниб, бир-биридан шакл жиҳатидан фарқ қилади. Ўзбек тилида бу ҳодиса йўқ. Ўзбек тилида баъзан женский родни билдирувчи қўшимчалар учрайди, масалан, муаллима, адиба, Салима, Салимова, Каримова ва ҳ.к.
Рус тилида отларнинг мужской род, женский род ва средний родга тегишли эканлиги маълум белгилар орқали аниқланади.
Мужской родга қуйидаги сўзлар киради:
а) эркак жинсидаги жонли нарсаларни англатадиган сўзлар: папа, дядя, брат;
б) қаттиқ ундош билан тугаган сўзлар: стол, стул, рот, нос;
в) юмшоқ ундош билан тугаган сўзлар: конь, день;
г) -й билан тугаган сўзлар: герой, край каби;
д) қаттиқ ёки юмшоқ шипилловчи товуш билан тугаган
сўзлар: нож, карандаш , луг , плащ каби.
Ойларнинг номлари — январь, февраль, март, апрель, май,
июнь, июль, август, сентябрь, октябрь, ноябрь, декабрь — мужской родга киради.
Мужской род отларининг группасига кирган сўзлар ўрнига он (у) кишилик олмоши ёки мой олмошини қўйиш мумкин.
Масалан: Мой брат окончил институт. Он работает на заводе. Ахмед не пришёл. Он болен.
Женский родга қуйидаги сўзлар киради:
а) хотин жинсидаги жонли нарсаларни билдирадиган сўзлар: мама, тётя, сестра, корова, овца каби;
б) охири -а билан тугаган сўзлар: парта, доска, рука , нога;
в) охири -я билан тугаган сўзлар: баня, дыня, пуля;
г) юмшоқ ундош билан тугаган сўзлар: тень, цель каби.
Э с л а т м а. Юмшоқ ундош билан тугаган сўзларнинг баъзилари мужской родга, баъзилари эса женский родга тааллуқли бўлади. Мужской родга тааллуқли бўлган сўзлар родительный келишигининг бирлик сонида -я билан тугалланади, женский родга тааллуқли сўзлар эса -а билан тугалланади. Дождь— дождя (мужской род); тетрадь— тетради (женский род).
Женский роддаги сўзларнинг ўрнига она (у) кишилик олмошини ёки моя олмошини қўйиш мумкин.
Масалан: Моя сестра учится в институте. Она учится хорошо.
Қаттиқ ёки юмшоқ шипилдоқ товуш билан тугаган сўзларнинг аксарияти женский родга киради ва уларнинг охирида -ь белгиси ёзилади.
Масалан: вещь, ночь, рожь, мышь.
Демак, охирида юмшоқ ундош ёки шипилдоқ ж, ч, ш, щ
(қаттиқ ёки юмшоқ) товуш келган отлар мужской родга ҳам, женский родга ҳам кириши мумкин: день —мужской род, тень— женский род, нож — мужской род, рожь— женский род каби.
Баъзи ҳайвон ва қушларнинг эркак ва урғочилигини билдириш учун бошқа-бошқа ўзаклардан ясалган сўзлар ишлатилади, масалан:
Баран Овца
Бык Корова
Петух Курица
Селезень Утка
Эркак-урғочилигидан қатъи назар, ҳайвон, қуш, қурт-қумурсқаларнинг номини билдирадиган отлариинг баъзилари мужской родга, баъзилари эса женский родга киради. Шундай сўзларнинг роди отнинг формасидан аниқланади:
Эркак ёки урғочилигидан қатъи назар мужской родда: Конь, голубь, гусь, журавль, лебедь, пескарь, олень , слепень, шмель , коршун, жук, сокол, кролик, грая, клоп, сом, кит, ёж, уж.
Эркак ёки урғочилигидан қатъи назар женский родда: Лошадь, мышь, рысь.
Юмшоқ ундош билан тугаган сўзлар родительный келишигининг шакли билан фарқланади, масалан:
Мужской род:
Им. Падеж: конь, голубь.
Родит. Падеж: коня, голубя
Женский род:
Им. Падеж: лошадь, мышь.
Родит. Падеж: лошади, мыши.
Рус тилида шундай отлар борки , улар ҳам мужской , ҳам женский родда бўла олади . Шу отлар қаторига - а билан тугайдиган бир қанча сўзлар киради. Улар эркак кишига нисбатан ишлатилса, мужской родга, хотин кишига нисбатан ишлатилса, женский родга киради, масалан:
Плакса (мой плакса, моя плакса)
Сирота (мой сирота, моя сирота)
Умница (мой умница, моя умница)
Неряха (мой неряха, моя неряха)
Невежа (мой невежа, моя невежа)
Касб-ҳунарни англатувчи кўпгина мужской род сўзлари хотин кишига нисбатан ҳам ишлатилиши мумкин: моя сестра врач ёки мой брат врач, моя мама доктор ёки мой папа доктор , моя тётя профессор ёки мой дядя профессор каби.
Человек, друг, товарищ сўзлари ҳам эркак кишига, ҳам хотин кишига нисбатан ишлатилади, масалан: она знающий человек ёки он знающий человек, она хороший друг ёки он хороший друг, она близкий товарищ ёки он близкий товарищ.
Отларнинг охирида о, е, ё келса, булар средний род отлари ҳисобланади.
Масалан: окно, перо, море, поле, ружьё каби.
Эслатма: Подмастерье сўзи мужской родга киради.
Рус тилида охирида -мя келадиган 10 сўз: имя, время, знамя, пламя, племя, семя, стремя, темя, бремя, вымя — средний родга киради.
Средний роддаги сўзлар ўрнига оно ёки моё олмошларини ишлатиш мумкин.
Масалан: имя (моё, оно), лицо (моё, оно).
Мой, моя, моё сўзлари ўрнига буларнинг кўплик шакли — наш, наша, наше ҳам ишлатилади.
Бошқа тиллардан олинган турланмайдиган сўзлар родларга қуйидагича бўлинади: агар сўз жонсиз предметни билдирса, у средний родга киради: пальто, жюри каби (бу қоидага кофе сўзи кирмайди, чунки у мужской родга киради); агар сўз жонли предметни (қуш, ҳайвонларни) билдирса, мужской родга киради: кенгуру, какаду, колибри, шимпанзе каби.
Отлар билан боғланиб келган сифат,тартиб сон, кўпгина олмош ва ўтган замон феълларининг тугаллиги шу отнинг родига мослашиб келади, масалан:
(М.Р.) -- большой дом, маленький карандаш, брат прилетел, третий урок, красивый город
(Ж.Р.)-- большая комната, маленькая книга, сестра прилетела, третья лекция, красивая улица
(С.Р.) -- большое окно, маленькое перо, время пролетело, третье задание, красивое здание.