Пра выпадак расказалі ў аддзеле прымусовага выканання Савецкага раёна Гомеля.

Мужчына ў 2023 годзе трапіў у турму і пакуль адседжваў свой тэрмін, страціў жонку, жыллё і нават грамадзянскі пашпарт. Ісці яму было няма куды, але нехта параіў звярнуцца па дапамогу да прадстаўнікоў рома.
Тыя выдалі гамяльчаніну інваліднае крэсла, загрыміравалі і выставілі прасіць грошы з мінакоў. У адказ яны яго кармілі і давалі начлег.
У пачатку 2025 года мужчыну пад грымам пазнаў сябар дзяцінства. Яны разгаварыліся і сябар не змог застацца абыякавым. Ён валодае будаўнічай арганізацыяй і прапанаваў небараку працу падсобнікам пры ўмове, што той пройдзе лячэнне ад алкагалізму. Таксама трэба аднавіць дакументы.
У органах юстыцыі паабяцалі пасадзейнічаць і пачакаць, пакуль мужчына заробіць дастаткова грошай, каб разлічыцца з доўгам у больш за 2 тысячы рублёў.
Крыніца: https://belkagomel.by/2025/02/21/v-gomele-muzhchina-uznal-v-lzhe-invalide-odnoklassnika-i-reshil-emu-pomoch