Германия миллий жамоаси бош мураббийи Юлиан Нагелсманн ҳужумчи Криштиану Роналду борасида ўз фикрларини билдирди. «У ҳали ҳам кучли, буни кўп йиллардан бери исботлаб келмоқда. Бундай даражада шунча вақт ўйнаш – жуда қийин. Роналду ниҳоятда кўп гол урган ва ўйнаган жамоаларига катта таъсир кўрсатган. Умид қиламанки, бугун у ўйинга катта таъсир кўрсатмайди. Ёшига қарамасдан, Криштиану ҳали ҳам жуда хавфли, дарвоза олдида ва ҳавода кучли. Биз эҳтиёткор бўлишимиз керак», — деди Нагелсманн УЕФА расмий сайтига берган интервюсида. Ушбу рақиблар Миллатлар Лигаси яримфиналида тўқнаш келади. Беллашув Тошкент вақти билан бугун тунда соат 00:00 да старт олади.