Предыдущая публикация
📅2000 йил 17 июл.
Перес «Реал» президентига айлангач: «Фигу? Ташвишланмаяпман. Агар у бизга ўтмаса, бутун мавсум учун «Бернабеу»даги 75 минг чиптанинг пулини мухлисларга қайтараман» ⏳️
📅19 июл. Фигу: «Мен «Барселона»дан «Реал»га ўтмайман» ❌️
📅24 июл. «Реал» Фигунинг тақдимот маросимини ўтказди✅️
Шунақа термин бор - shuttle diplomacy. Бу ҳақида Рокфеллернинг қизини оддий одамга турмушга бериш ҳақидаги машҳур латифа ҳам бор, топиб ўқиш мумкин.
Шуни футболдаги аналогини топиб келдим - Луиш Фигу трансфери.
«Реал» президентлиги учун курашиб, ютқазаётган Флорентино Перес антиқа режа тузади. У дастлаб, агар президент бўлсам, Луиш Фигуни Мадридга олиб келаман, деб ваъда бера бошлайди. Табиийки, «Барселона» етакчисини «Реал»га ўтиши ишонилмас воқеа эди. Фигунинг ўзи ҳам рад этади.
Кейин Перес кенгашга айтади:
- Агар мени сайласанглар, Фигуни олиб келаман. Бунга шубҳа қилманг. Гапимда турмасам, ҳар бирларинг учун аъзолик бадални тўлаб беришга кафолат бераман.
Гап бир неча миллион ҳақида эди. Табиийки, унга ишона бошлашади. Энди Фигуни кўндириш керак.
Перес Футре орқали футболчига чиқиб, дастлабки шартнома таклиф қилади. Унга кўра, Перес Фигуга олдиндан 2 миллион евро беради. Агар Перес ютса, Фигу «Реал»га ўтиши керак. Агар Перес ютолмаса, ўша пул Фигунинг ўзига қолади. Мабодо, Перес ютса-ю, Фигу «Реал»га ўтишдан воз кечса, 22 миллион евро жарима тўлаши шарт.
Ўша паллада Перес катта фарқ билан орқада эди. Ичкаридан хабари йўқ Фигу учун бу яхши шартга ўхшади. Барибир ютолмайди-ку! Икки миллион ишлаб олади.
Қизиғи, айнан Фигуни олиб келиш ваъдаси билан Перес сал фарқ билан ютиб чиқади. Ҳамма шокда.
Айниқса Фигу. Перес унга шартномани эслатади. Айтишларича, Фигу йиғлагудек бўлиб, «Барселона» раҳбариятига борган ва жамоада қолишни исташини, 22 миллионни тўлаб беришларини сўраган. Фигунинг ўзи учун бу катта пул, 11 йиллик маошга тенг бўлган.
Табиийки, «Барселона» раҳбарияти ўз футболчисини «Реал»дан сотиб олиши каттароқ шармандалик эди. Фигуга омад тилашдан бошқа иложи қолмаган.
Кейинги воқеаларни биласиз.
Қахрамон Асланов
Следующая публикация
Комментарии 14
Karyesasi ZOR emas Poq boldi
Hoinvachchalardi jazosi shu
CHO'chqaACHa otgan odamga
Metanga Bez ochered gaz BERISH kk
Bu chuchqa, kalla Dan boshqasini olmadi
Hoinlardi orni
Peresdi oldida