Предыдущая публикация
Yo'qchilikdan egilsa boshing,
Tuzsiz o'tsa ichgan har oshing.
Ocharchilik sindirar ekan,
Metin bo'lsa hamki bardoshing.
Qiyinchilik bag'ringni yulsa,
Maoshingdan g'animlar kulsa.
Kimga darding aytasan do'stim,
Yegan noning bo'g'zingda tursa.
Usti boshing yamoqqa to'lsa,
Qora qozon qaynamay qo'ysa.
Xayron bo'lma, sendan or qilib,
Birov senga qo'shilmay qo'ysa.
Bayramlarni ertakka yo'ysang,
Qozon qirib qirmochga to'ysang.
Qo'y-qo'zini nima u deysan,
Go'sht tamini unutib qo'ysang.
Onang eski ro'molda yursa,
Bolang shoyi ko'ylakda tursa.
Jigaring ham voz kechar ekan,
Nochorchilik boshingda tursa.
Ro'zg'oringa tushganda qirov,
To'y, azaga aytmaydi birov.
Holing ne deb so'ramas ekan,
Boshginanga tushganda sinov.
Qarz so'rasang yaqin do'stingdan,
Ayiradi do'stdek kasbingdan.
Yig'inlarda g'iybating qilib,
Kambag'al deb kular ustingdan..
Следующая публикация
Нет комментариев