•┈••●◆❁✿-КиТоБи ЗиНдАгИ-✿❁◆●••┈•

ПАНДНОМА...📖 🥀📖🥀 Ба дунё дил мабандад, ҳар кӣ мард аст, Ки дунё сар ба сар андӯҳу дард аст. Ба гӯристон гузар кун, то бубинӣ, Ки даврон бо ҳарифонат чӣ кардаст.

ҲУКМИ БА ФАРЗАНД ДАШНОМ ГУФТАН ВА ҲУКМИ ЗАДАНИ ФАРЗАНД, ДАР ИСЛОМ ЧИСТ ?... 🍃📖🍃 Аз Абдуллоҳ ибн Масъуд разияллоҳу анҳу ривоят аст, ки Расулаллоҳ саллаллоҳу алайҳи ва саллам фармуданд: «Дашном додан бар мусалмон фисқ аст ва қатлаш куфр аст». Дашном додани зани мусалмон ё марди мусалмон ё кӯдаки мусалмон ин фисқ аст ва ҷоиз нест. Модаре, ки фарзанди худро дашном медиҳад бидонад, ки дашном додан ин бадтарин хислат аст. Баъзе модарон фарзандони худро лаънат, низ мекунанд. Лаънат ин сахтарин дашном аст, маънои лаънат, яъне аз Раҳмати Аллоҳ дур будан аст. Насиҳат ба модарон ин аст, ки аз дашном кардан, аз ин амалҳои зишт, ки гуноҳи кабира аст, тавба намоед. Ба модар ин амалҳо намезебад .Фарзандони худро мувофиқи "Қуръон-у Суннат" тарбия бикунед, бо дуъо ва бо насиҳат! Расулуллоҳ (саллаллоҳу алайҳи вассалам) гуфтанд: «Мӯъмин, бадгӯй, айбҷӯй, лаънаткунанда ва бадгуфтор ва бадкирдор нест». Ва ҳукми задани фарзанд, низ ҳаром аст, то синни даҳ солагӣ задани кӯдак ҷоиз нест, аммо каме задан ба хотири тарбияи фарзанд ҷоиз аст, аммо ба рӯй задан ҳаром аст, ҷоиз нест. Расули Аллоҳ ( саллаллоҳу алайҳи вассалам) гуфтаанд! «Аз мо нест, касе ки ба рӯй мезанад» Ин ҳадис саҳеҳ аст. Ва ин ҳадис далолат мекунад, ки фарзандро дар баъзе ҳолат ба хотири намоз нахондан задан ҷоиз аст. Ва ин суннати қавлии Расули Аллоҳ салаллоҳу алайҳи ва саллам аст. Аммо беҳуда зулм кардану задани фарзанд ҷоиз нест...!

ПАНДНОМА...📖 🍃📖🍃 Табаҳкорию бадкорӣ, чӣ лозим мардумозорӣ? Табобат кун, дили худро аз ин анвоъи беморӣ. Миёни одамӣ ҳаргиз машав бадноми номи хеш, Қадам сӯи Худо бигзор, ки то ёби накукорӣ.

ПАНДНОМА...📖 🌺🍃🌺 Ба мадҳи хештан, ҳаргиз напардоз, Машав, зинҳор, бо маддоҳ ҳамроз!

Ё, АЛЛОҲ!!... 🥀🕋🥀 Ҳар вақт, ки дилам аз ғами дунё гирифт, ёдам биёвар, ки сабр зебост ва ту ёридиҳанданда ҳастӣ....

ҲИКОЯТ...📖 🌱 Подшоҳе ба вазираш гуфт: – Се суол мекунам, фардо ҷавоб додӣ, дар мансаб бимонӣ ва илло аз мақомат барканор мешавӣ! Суоли аввал: Худованд чӣ мехӯрад? Суоли дуввум: Худованд чӣ мепӯшад? Суоли саввум: Худованд чӣ кор мекунад? Вазир, ки ҷавоби суолҳоро намедонист, нороҳат шуд. Ғуломи донову зираке дошт, ба ӯ гуфт: – Шоҳ се суол аз ман пурсидааст. Агар ҷавоб пайдо накунам, аз мансабам барканор мешавам. Ғулом гуфт: – Ҷавоби суолҳоро медонам, вале ҳоло ду ҷавобро мегӯям: Ҷавоби аввалӣ: Худованд чӣ мехӯрад? Худованд ғами бандагонашро мехӯрад. Ҷавоби дуввум: Худованд чӣ мепӯшад? Худованд айби бандагонашро мепӯшад. Аммо посухи саввумро бо иҷозаи шумо фардо назди подшоҳ мегӯям. Фардо вазир ва ғулом назди подшоҳ рафтанд. Вазир ба ду суол ҷавоб дод. Шоҳ гуфт: – Дуруст аст! Вале бигӯ, ки ҷавобҳоро худат пайдо кардӣ ва ё аз касе пурсидӣ? Вазир гуфт: – Ин ғуломи ман инсони бофазлу доноест, ҷавобҳоро ӯ дод. Шоҳ гуфт: – Пас либосҳои вазириатро бикаш ва ба ӯ бидеҳ! Ғулом низ либоси навкариашро ба вазир дод. Сипас вазир ба ғулом гуфт: – Пас суоли саввум чӣ шуд? Ғулом гуфт: – Оё ҳанӯз нафаҳмидӣ, ки Худованд чӣ кор мекунад? Худованд дар як лаҳза ғуломро вазир мекунаду вазирро ғулом!

ПАНДНОМА...📖 🌺🍃🌺 Аз хок баромадем, ки одам бошем, То дар ҳарами дӯст маҳрам бошем. Ҷаннат, ки муҳайёст баҳри ману ту, Ҳайф аст, ки ҳезуми ҷаҳаннам бошем.

ПАНДНОМА...📖 🌴📖🌴 Асри нав гуфтему худро пок кардем аз гуноҳ, Ҳоли худро дар гуноҳу маъсият кардем табоҳ. Асри нав не ҷони ширин, одамон н-одам, Хулқи худро пок бинмо дар ниёзи субҳгоҳ. Муҳаммадиқболи Раштӣ✍️

ПАНДИ НИЁГОН...📖 ***** Гар баде гуфт, ҳасудеву рафиқе ранҷид, Гӯ, ту хуш бош, ки мо гӯш ба аҳмақ накунем. ✍️ Ҳофизи Шерозӣ

***** _____МАРД, АГАР TEF ЗАНАД, БАР ҶИГАРАМ БОКЕ НЕСТ, _____МАН ҲАЛОКИ СУХАНИ ТАЪНАИ НОМАРДОНАМ.