Майга купшы чәчәк түтәлләре булачак

«Ямь» җәмгыяте директоры урынбасары Рәдиф Газзалов һәм чәчәк үстерүче Наталья Самагина 9 Май бәйрәменә поселок урамнарына чәчәкләр утыртылачагы турында сөйләделәр.
– Бүгенге көндә теплицаларны кардан чистарту буенча эшләр алып барыла. Тиздән аларны полиэтилен белән каплап мич ягып җылыта башлаячакбыз. Үсентеләрне 8 март тирәсендә теплицаларга чыгарып утырту ниятләнә, – дип планнары белән уртаклашты Рәдиф Радик улы.
Наталья Самагина 36 меңләп төрле төстәге чәчәкләр чәчелүе, февраль ахырына кадәр тагын шулкадәр күләмдә чәчү планлаштырылуы турында билгеләп үтте.
Фотода: Наталя Самагина