Предыдущая публикация
"Çулталăк çынни - 2024" ята кам тивĕçĕ-ши?
Çĕршыври лару-тăрăва пăхмасăр 2024 çула Патăрьел муниципалитет округĕ начар мар кăтартусемпе вĕçлерĕ. Экономикăн кашни сферинчех ырă улшăнусем пур. Тĕрлĕрен программăпа, пуçару бюджечĕпе ял халăхĕн пурнăçне хăтлăлатас тĕллевпе те чылай объект хута кайрĕ.
Округ экономикине тĕреклетес, вырăнти çынсен пурнăç условийĕсене лайăхлатас, çав вăхăтрах общество пурнăçĕнче, Украинăри ятарлă çар операцийĕнчи салтаксене пулăшас, Çĕнтерĕве çывхартас ĕçре пысăк хастарлăх кăтартакансем пирĕн хушăмăрта сахал мар. Вĕсенчен чи тивĕçлисене Юхмапа Пăла тăрăхĕнче пурăнакансем шăпах "Авангард" хаçат редакцийĕн пуçарăвĕпе йĕркеленсе пыракан "Çулталăк çынни" конкурса хутшăнма сĕнчĕç.
Конкурс списокне çак çынсене кĕртнĕ:
"Чăваш Республикинчи чи лайăх староста" ята тивĕçнĕ Упамсари Игорь Вавилов староста;
Патăрьелĕчи "Паттăр" спорт шкулĕн директорĕ Анатолий Афанасьев;
чăваш тĕррин ăсти, Пĕтĕм Раççейри онлайн-марафон çĕнтерỹçи Кивĕ Катекри Тамара Майрина;
Тури Туçари çăлкуçсене "чун" кĕртекен ĕç ветеранĕ Владимир Остряков;
Шăнкăртамри пĕрремĕш вăтам шкул учительници Зекия Мтиева;
корэш енĕпе тĕнче Кубокĕн çĕнтерỹçи Шамиль Вахитов;
Треньел хастарĕ (хăйĕн "Нива" автомашинине СВОна панă) Федор Логунов;
Николай Пузайкин предприниматель (Тури Чакăсемпе Аслă Чеменсем тăратнă);
Павел Белков волонтер (Нăрваш Шăхальсем тăратнă);
чăваш юрăçи, хастар волонтер Алексей Казанцев (Первомайскисем тăратнă).
Асăннă конкурс кăçал 22-мĕш хут иртет. Конкурса хутшăнакансем пирки хăвăрăн шухăшăра 6-14-49, 6-14-46, 6-25-28 телефонпа шăнкăравласа пĕлтерме пултаратăр. Ăна февралĕн 8-мĕшĕнче пĕтĕмлететпĕр.
"Авангард" хаçат редакцийĕ
Следующая публикация
Нет комментариев