Предыдущая публикация
#Хьоашалнаькъан_1аьла
#Хашагульгов_Али
СУВСАКХ
К1оле кулла,
Т1але таьлг...
1а хьакхолла,
ани, фаьлг.
Бувца сона.
Аз ладог1.
-- Цхьа б1асийна
форд ба, йоах.
Цу чу боккха
сувсакх бах.
Бац из акха
уст е хьаг1.
Яц воатагар,
бегемот...
Сона из гир...
Наха мотт,
чкъаьра из ба:
боккха яй...
Уж нах харц ба,
бакъ да вай.
Бац из чкъаьра,
аькха да.
Цун фу шура
юаш да.
Хи чу бах из --
форда чу.
"Ваьг1ав Ювнас
цун кер чу.
Денош-бийсаш
даьхад цо --
Хьа ца хецаш
цун низо", --
Яхаш ма дувц
жейнаша.
Из дош бакъдыц
жинаша.
" Жейнаш, --йоах цар, --
фаьлгаш да.
Царех тешар
берал да".
Иштта ба, к1аьнк,
хьона аз
бувца е фаьлг, --
дошо ганз!
Ладог1алахь
сога 1а...
Х1анз 1одика
хийла хьа!
Мотт1омбергаш яха берий сборник.
Следующая публикация
Комментарии 1