Предыдущая публикация
#ХЬОАШАЛНАЬКЪАН 1АЬЛА
#ХАШАГУЛЬГОВ АЛИ
САГ
Амаг1а саг вар сона вейнар! Цун лерган1анах н1ана боалар,
лергад1оаг1ах д1оаг1а уллар,
лергапарпах - парпа,
пхьарцерг яр пхьаро доалдеш,
пхук1оага чу а баг1ар пхьу,
к1асарк1оага чу кес дар,
фоартанк1ажарах к1едж уллар,
мочхалзигах зиг доаллар,
б1арганог1арах - ног1ар,
йо1б1арга чу яг1ар йо1,
мер1ургах 1ург доаллар,
мерийд1оаг1ах - д1оаг1а,
дистмат а дар дист долаш,
кхалкхак1ийле - кхалкх,
белажг1олгех г1олг йоаллар,
наькхаилгех илг уллар,
дегалергах лерг даг1ар,
букъачкъаьра бар чкъаьра,
хьажаюкъе яр юкъ,
юкъ1агах 1аг боаллар,
дег1аг1адах г1ад доаллар,
б1арзашерг б1арза дар,
совшерг а дар сов,
ийскайсарилг яр ийс,
дембехк а бар дын бохк,
бийностах бий боаллар,
ч1ийностах - ч1ий,
х1аьта ностарпхьидех, -
из яр шоана йоккха тамаш, - ностарпхьидах... пхьид йоаллар.
Иштта саг вар, бераш, сона вейнар.
Шоана вовзий, вейнавий?
Следующая публикация
Комментарии 5
Кхалкхак1ийле (я) - подбородок
Б1арза - слепой, незрячий.
Г1ад (да) - тело человека выше пояса
Ч1ий (ба) - спица.